Geir Sveinsson, landsliðsþjálfari karla í handknattleik, segir að nú sé boltinn hjá HSÍ en samningur Geirs rennur út á næstunni. Róbert Geir Gíslason, framkvæmdastjóri HSÍ, segir framhaldið ekki hafa verið rætt en býst við því að það verði á næstu dögum.
Róbert segir stjórn HSÍ vera með málið á sinni könnu. Geir segist hafa sýnt áhuga á því að halda áfram störfum síðasta sumar og látið stjórn HSÍ vita af því. Hann hafi ekki fengið endanlegt svar en á honum mátti skilja í kvöld að hann hefði enn þá áhuga á því að halda áfram störfum sem landsliðsþjálfari þegar mbl.is ræddi við hann.
Rætt er við Geir um niðurstöðuna á EM í íþróttablaði Morgunblaðsins sem kemur út í fyrramálið.