Lærisveinar Kristjáns Andréssonar í sænska karlalandsliðinu í handbolta urðu að sætta sig við 23:17-tap gegn Frökkum á Evrópumótinu í Króatíu í dag.
Vincent Gérard átti stórleik í marki Frakka. Hann varði 19 skot og var með 53% markvörslu. Cédric Sorhaindo var markahæstur með fimm mörk. Simon Jeppsson skoraði mest fyrir Svía eða fjögur mörk.
Frakkar hafa unnið alla fjóra leiki sína á mótinu og eru í efsta sæti milliriðils 2 með sex stig. Svíar eru í fjórða sæti með fjögur stig.