Spánn er Evrópumeistari karla í handbolta árið 2018 eftir 29:23-sigur á sænskum lærisveinum Kristjáns Andréssonar í úrslitaleik í Zagreb Arena í kvöld. Spánn hefur fjórum sinnum endaði í 2. sæti á Evrópumóti, en þetta er þeirra fyrsti Evróputitill.
Svíar byrjuðu betur og komust snemma leiks í 7:4. Svíar héldu forskoti allt til loka hálfleiksins og var staðan 14:12 í hálfleik, Svíþjóð í vil. Í seinni hálfleik voru Spánverjar hins vegar mikið betri og skoraði sænska liðið aðeins tvö mörk á fyrstu 20 mínútum hálfleiksins.
Spánverjar gengu á lagið og byggðu upp gott forskot sem skilaði þeim að lokum sigrinum. Ferrán Solé og David Romeu skoruðu fimm mörk hvor fyrir Spánverja og Jesper Nielsen skoraði fimm fyrir Svíþjóð.