Fyrsta markið sem hægri hornamaðurinn Sigvaldi Björn Guðjónsson skoraði fyrir Ísland gegn Ungverjalandi á EM í handbolta í Búdapest í gær var hans hundraðasta mark fyrir A-landslið Íslands.
Sigvaldi Björn hefur nú skorað 104 mörk í 42 landsleikjum. Hann er markahæstur íslensku leikmannanna á EM með 18 mörk í þremur leikjum.
Ómar Ingi Magnússon er næstmarkahæstur með 15 mörk og þar á eftir kemur Bjarki Már Elísson með 14 mörk.