Mamma segir að Ronaldo fari hvergi
Setja bókamerki
Dolores Aveiro, móðir portúgalska knattspyrnusnillingsins Cristianos Ronaldos, segir að það sé alveg á hreinu að sonur sinn sé ekki á förum til Real Madrid og hann muni leika áfram með Englands- og Evrópumeisturum Manchester United.
Dolores hefur áður lýst því yfir að það sé draumur sinn að sjá soninn spila með Real Madrid en það kvað við annan tón í dag þegar hún ræddi við portúgölsku sjónvarpsstöðina TVI.
„Honum líður vel þar sem hann er. Guð einn veit hvað framtíðin býr í skauti sér en það er alveg á hreinu að hann verður áfram í Englandi," sagði Dolores Aveiro, og víst er að nú taka stuðningsmenn Manchester United víðsvegar um heim gleði sína á ný.
Ronaldo hefur þráfaldlega verið orðaður við Real Madrid að undanförnu og kynti undir þann orðróm sjálfur með því að segja í gær að það væri spennandi kostur að spila með spænsku meisturunum.
„Okkur miðar í rétta átt“
Handteknir eftir myndatöku í Vesturbæjarlaug
Kostnaður meiri en milljón á fermetra
„Á réttri leið en nokkuð í land ennþá“
Skemmtiferðaskip hætt komið nærri Viðey
Verðbólgan komin niður í 6%
Skiptir miklu meira máli en fólk grunar