Man.Utd stigi frá meistaratitlinum
Setja bókamerki
Manchester United er einu stigi frá því að verða enskur meistari í knattspyrnu eftir sigur á Wigan, 2:1, á JJB-leikvanginum í Wigan í kvöld. United er með sex stiga forskot á Liverpool þegar tveimur umferðum er ólokið.
Wigan náði forystunni á 28. mínútu þegar Hugo Rodallega fékk sendingu inní vítateiginn, hafði betur í baráttu við Nemanja Vidic og þrumaði boltanum í netið, 1:0.
Carlos Tévez kom inná sem varamaður hjá Manchester United og var fljótur að láta til sín taka. Hann jafnaði á 61. mínútu, 1:1, með því að sneiða boltann viðstöðulaust í netið frá vítapunkti eftir að Michael Carrick átti fast skot í átt að marki af um 20 metra færi.
Michael Carrick kom síðan Manchester United yfir á 86. mínútu með föstu vinstrifótarskoti frá vítateig eftir sendingu frá John O'Shea, 2:1, og það reyndist sigurmarkið.
Manchester United mætir Arsenal á laugardaginn og nægir þar jafntefli við að hampa meistaratitlinum. Wigan siglir lygnan sjó í 11. sætinu með 42 stig og hefur misst af möguleikanum á að tryggja sér Evrópusæti.
„Umsátursástand“
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar
Veiting hvalveiðileyfis ekki brot á EES-samningi
Banna mengandi búnað sem leyfður er á Íslandi
Árshátíð ríkislögreglustjóra haldin í Tékklandi
Sex hafa greinst með listeríu