Vieira: Vonsvikinn en gaman að vera kominn aftur

Frá viðureign Hull og Manchester City í dag þar sem …
Frá viðureign Hull og Manchester City í dag þar sem Hull vann góðan sigur. Reuters

Patrick Vieira lék sinn fyrsta leik í ensku úrvalsdeildinni í rúm fimm ár í dag þegar hann lék síðasta hálftímann með Manchester City. Vieira byrjaði þó ekki vel því hann var í tapliði gegn Hull og fékk að líta gula spjaldið.

,,Ég hefði vitaskuld viljað byrja með sigri. Ég er vonsvikinn með úrslitin en ég er glaður að vera mættur aftur í ensku úrvalsdeildina. Það var ekki auðvelt fyrir mig að bíða eftir leiknum eftir að hafa verið meiddur þegar ég skrifaði undir samninginn við City. Fjórða sætið í deildinni er okkar markmið og ég vona að ég geti lagt mitt af mörkum til að liðið nái því,“ sagði Vieira eftir leikinn.

mbl.is

Bloggað um fréttina

Fleira áhugavert
Fleira áhugavert