Ferguson: Sorgleg niðurstaða

Alex Ferguson, knattspyrnustjóri Manchester United, segir að það sé sorgleg niðurstaða hjá Liverpool að reka Roy Hodgson og kenna honum um allt sem úrskeiðis hafi farið hjá liðinu á þessu keppnistímabili.

United og Liverpool mætast í bikarnum í dag klukkan 13.30 á Old Trafford og Kenny Dalglish stýrir liði Liverpool í þeim slag, og áfram út tímabilið.

„Það er eins og þetta sé allt honum að kenna. Hann fékk þetta lið meira og minna í hendurnar. Það er dapurlegt þegar knattspyrnustjórar fá ekki tíma eða fjárráð til að vinna úr málunum. Nokkrir leikir tapast og þá er allt á öðrum endanum. Þetta er ótrúlegt.

Hvers vegna réðu þeir hann? Hann er með gífurlega reynslu, hefur þjálfað víða, stjórnað Inter Mílanó tvisvar, landsliðum Finnlands og Sviss, og farið með Fulham í úrslitaleik Evrópudeildarinnar. Þetta er alltaf að færast í aukana, það er alltaf verið að reka þennan og hinn stjórann," sagði Ferguson í viðtal við The Mirror í dag.

• 3 blogg um fréttina

Bloggað um fréttina

• Gísli Foster Hjartarson: Nú er ég í liði með...
• Guðrún Una Jónsdóttir: Ferguson tjáir sig.
• Ómar Ragnarsson: Að fara á taugum.