Danski sóknarmaðurinn Nicklas Bendtner mun ekki skora fleiri mörk fyrir Sunderland en hann verður ekki í herbúðum liðsins á næstu leiktíð.
Bendtner var í láni hjá Sunderland á nýafstaðinni leiktíð frá Arsenal og skoraði 8 mörk fyrir liðið í deildinni.
,,Það hafa mörg lið í Evrópu áhuga á mér og einnig lið utan Evrópu,“ skrifar Bendtner í dálk sínum í danska Ekstra Bladet í dag en ljóst er að hann mun ekki klæðast búningi Arsenal-liðsins.