„62 ára maður var fluttur á spítala þar sem hann dvelur. Ekki er hægt að greina frekar frá líðan hans á þessu stigi málsins,“ sagði ennfremur í yfirlýsingu lögreglu.
Barnaníðingurinn Barry Bennell var fluttur á sjúkrahús eftir að hann fannst meðvitundarlaus í húsi í Stevenage í Englandi á föstudagskvöld. Guardian greinir frá.
Nokkrir knattspyrnumenn hafa stigið fram á síðustu dögum og greint frá því að Bennell, sem þjálfaði yngri flokka hjá Crewe á 9. áratug síðustu aldar, hafi beitt þá kynferðislegu ofbeldi.
Bennell er 64 ára í dag. Hann fékk fjögurra ára dóm fyrir að nauðga breskum dreng á fótboltaferðalagi í Flórída árið 1994. Þá fékk hann einnig níu ára dóm fyrir 23 brot gegn sex drengjum á Englandi árið 1998.
Bennell var svo stungið í fangelsi í þriðja sinn í fyrra er hann játaði að hafa beitt dreng ofbeldi í fótboltabúðum árið 1980.
„Lögreglumenn komu að húsi í Stevenage rétt fyrir 11 á föstudagskvöldið í tengslum við mál þar sem talið var að mannslíf væri í hættu,“ segir í yfirlýsingu lögreglu vegna málsins.
„62 ára maður var fluttur á spítala þar sem hann dvelur. Ekki er hægt að greina frekar frá líðan hans á þessu stigi málsins,“ sagði ennfremur í yfirlýsingu lögreglu.