Ugo Ehiogu, fyrrverandi leikmaður enska landsliðsins í knattspyrnu og Aston Villa, lést á sjúkrahúsi í London í morgun. Hann var 44 ára gamall.
Ehiogu hneig niður á æfingu hjá Tottenham í gær en hann þjálfar 23 ára lið félagsins. Hann var í skyndingu fluttur á sjúkrahús en Ehiogu varð hjartastopp og lést eins og áður segir snemma í morgun.
Ehiogu lék sem varnarmaður með WBA, Aston Villa, Middlesbrough, Leeds, Rangers og Sheffield United á tuttugu ára ferli sem atvinnumaður en hann lagði skóna á hilluna árið 2009. Hann varð deildarbikarmeistari með Aston Villa 1994 og 1996 og vann sömu keppni með Middlesbrough árið 2004.
Ehiogu spilaði fjóra landsleiki fyrir Englands hönd og skoraði eitt mark. Hann hefur þjálfað hjá Tottenham í fullu starfi frá 2014.