Það ætti ekki að hafa farið framhjá neinum að Gylfi Þór Sigurðsson gekk í gær til liðs við Everton fyrir metfé frá Swansea í ensku úrvalsdeildinni.
Félagaskiptin hafa skiljanlega vakið mikla athygli hjá áhugafólki um ensku úrvalsdeildina, en þess má geta að Gylfi sjálfur er ekki með Twitter-síðu. Alnafni hans, Gylfi Sigurðsson, hefur því fengið fjölmörg skilaboð og hamingjuóskir.
„Það er búið að vera töluvert áreiti og nýir fylgjendur eftir fréttirnar í gær. Mest var bara verið að óska „mér“ til hamingju,“ sagði alnafninn Gylfi Sigurðsson við Nútímann, en hann starfar hjá Opnum kerfum og er einnig umboðsmaður knattspyrnumanna í Svíþjóð.
„Nafni minn verður bara að fara að byrja á Twitter svo maður fái smá frið.“
Booommm @HossiGunnl scores ⚽️
— Gylfi Sigurdsson (@gylfisigurdsson) August 5, 2017