Vandræðalegt fyrir Manchester United

„Manchester United hefur engar afsakanir að tefla ekki fram kvennaliði,“ segir fyrrverandi stjórnarmaður félagsins.

Manchester United er með unglingalið í kvennaflokki en frá árinu 2005 hefur félagið ekki teflt fram liði í meistaraflokki hjá konunum.

„Þetta er vandræðalegt fyrir Manchester United og félagið þarf að gera eitthvað í þessu. Það hefur engar afsakanir. Mér þykir það vandræðalegt að hafa verið í stjórninni þegar sú ákvörðun var tekin að leggja niður kvennaliðið,“ segir Andy Anson, fyrrverandi stjórnarmaður í Manchester United, í viðtali við BBC.

Forráðamenn Manchester-liðsins hafa nýlega sagt að það komi til greina að endurvekja kvennalið félagsins en grannar þeirra í Manchester City hafa lagt ríka áherslu á kvennalið sitt og liðið varð enskur meistari í fyrra og er ríkjandi bikarmeistari.

• Blogga um frétt