Rodgers með betri árangur en Klopp

Brendan Rodgers er með betri árangur en Jürgen Klopp með lið Liverpool en Klopp tók við Liverpool-liðinu eftir að Rodgers var látinn taka poka sinn í október 2015.

Klopp hefur stýrt Liverpool í 72 leikjum í ensku úrvalsdeildinni. Í þeim hefur Liverpool unnið 37 leiki, skorað 141 mark og fengið 131 stig.

Í fyrstu 72 leikjunum sem Rodgers stýrði liði Liverpool vann liðið 40 leiki, skoraði 164 mörk og fékk 138 stig en leikmenn á borð við Luis Suárez og Steven Gerrard voru leikmenn Liverpool undir stjórn Rodgers.

• Blogga um frétt