Vardy og Hernandez í sigtinu hjá United

José Mourinho, knattspyrnustjóri Manchester United.
José Mourinho, knattspyrnustjóri Manchester United. AFP

Manchester United er eins og fleiri lið að reyna að styrkja leikmannahóp sinn nú í janúarglugganum og fregnir frá enskum fjölmiðum í morgun herma að United vilji fá framherja til að vera Romelu Lukaku til trausts og halds.

Í gær bárust af því fréttir að United hafði augastað á Sílemanninum Alexis Sánchez frá Arsenal líkt og grannar þeirra í Manchester City og ensku blöðin greina svo frá því í morgun að Manchester United sé með þá Jamie Vardy, framherja Leicester, og Javier Hernandez hjá West Ham í sigtinu. Þetta kemur meðal annars fram í enska blaðinu Telegraph.

mbl.is