Gylfi Þór Sigurðsson hefur leik fyrir Everton þegar liðið mætir hinum gömlu félögum hans hjá Tottenham Hotspur í 23. umferð ensku úrvalsdeildarinnar í knattspyrnu karla á Wembley klukkan 16.30 í dag.
Gylfi Þór hefur alla jafna verið í byrjunarliði Everton í deildarleikjum liðsins á yfirstandandi leiktíð; hann hefur 18 sinnum verið í byrjunarliði liðsins og tvisvar komið inn á sem varamaður.
Leik Tottenham Hotspur og Everton verður lýst í beinni textalýsingu á mbl.is.