Martin O'Neill landsliðsþjálfari Íra hafnaði í kvöld tilboði frá Stoke City um að taka við sem knattspyrnustjóri hjá félaginu.
Stoke rak Mark Hughes frá störfum á dögunum og hefur leitað eftirmanns en án árangurs. Spánverjinn Quique Sanchez Flores þjálfari spænska liðsins Espanyol og fyrrum stjóri Watford hafði áður hafnað því að fara í viðræður við Stoke sem er í 20. sæti og þar með fallsæti en liðið sækir Manchester United heim annað kvöld.