Fer til United vegna peninganna
Setja bókamerki
Líklegast þykir að Sílemaðurinn Alexis Sánchez gangi til liðs við Manchester United frá Arsenal og gætu þau félagaskipti gengið í gegn á morgun.
Arsene Wenger, knattspyrnustjóri Arsenal, greindi frá því fyrir leik sinna manna gegn Bournemouth í gær að framtíð Sánchez myndi skýrast á næstu tveimur sólarhringum en Wenger valdi Sílemanninn ekki í leikmannahóp sinn.
Manchester-liðin, City og United, eru í baráttu um að fá að njóta krafta Sánchez og bendir flest til þess að United ætli að hafa betur í þeirri baráttu.
„Þetta verða frábær kaup fyri United en ég er hissa á að hann vilji ekki fara til Manchester City eins og liðið spilar. Það hlýtur að vera skemmtilegt að vera sóknarmaður í liði Pep Guardiola. Eina ástæðan fyrir því að hann mun velja United er fjárhagslegs eðlis,“ segir Jamie Carragher sparkspekingur á Sky Sports.
Breska blaðið Daily Mail segir að United sé reiðubúið að gera Sánchez að hæst launaða leikmann ensku úrvalsdeildarinnar en hann fengi 350 þúsund pund á viku sem jafngildir tæpum 50 milljónum króna.
Vélsleðaslys: Þyrlan kölluð út á mesta forgangi
Skemmtiferðaskip hætt komið nærri Viðey
„Hvílir mikil leynd yfir þessu öllu“
Verðbólgan komin niður í 6%
„Skýr skilaboð til Seðlabankans“
„Það þarf að vinna mikinn fjölda upp“
Skiptir miklu meira máli en fólk grunar