Birkir lék allan tímann í mikilvægum sigri

Aston Villa vann góðan 3:1-heimasigur á Barnsley í ensku B-deildinni í fótbolta í dag. Birkir Bjarnason lék allan leikinn á miðri miðjunni hjá Aston Villa. Jón Daði Böðvarsson lék allan tímann í framlínu Reading sem tapaði fyrir Brentford á heimavelli, 1:0.

Aston Villa fór upp í þriðja sæti deildarinnar með sigrinum. Birkir og félagar eru aðeins þremur stigum frá Derby sem er í 2. sæti, en efstu tvö sætin gefa sæti í úrvalsdeildinni. Reading er hins vegar í 18. sæti með 29 stig. 

Topplið Wolves tapaði óvænt fyrir Nottingham Forest á heimavelli, 2:0. Þrátt fyrir það eru úlfarnir með níu stiga forskot á toppnum. 

• Blogga um frétt