Alexis Sánchez og Henrikh Mkhitaryan eru báðir löglegir með sínum nýju liðum í Evrópukeppninni.
Sánchez, sem fór frá Arsenal til Manchester United, má spila með United í Meistaradeildinni en liðið mætir spænska liðinu Sevilla í 16-liða úrslitunum. Sílemaðurinn samdi við Manchester-liðið til fjögurra ára.
Mkhitaryan, sem fór frá Manchester United til Arsenal, má spila með Arsenal í Evrópudeildinni en mótherjar Arsenal í 32-liða úrslitunum verður sænska liðið Östersund. Armeninn skrifaði undir þriggja og hálfs árs samning við Arsenal.