Agüero verður ekki refsað

Sergio Agüero, framherji Manchester City, sleppur við refsingu frá enska knattspyrnusambandinu fyrir hegðun sína er City tapaði fyrir C-deildarliði Wigan, 1:0, í FA-bikarnum í gærkvöld.

Eft­ir leik­inn þustu stuðnings­menn Wig­an inn á völl­inn og fögnuðu sín­um mönn­um eft­ir sig­ur­inn magnaða. Tapið fór illa í leik­menn og stuðnings­menn Cit og Agüero var mjög í kast­ljós­inu, en hann sló til stuðnings­manns Wig­an. Marg­ir kölluðu eft­ir því að Agüero yrði úr­sk­urðaður í langt keppn­is­bann.

Enska knattspyrnusambandið tók málið fyrir í dag, en Agüero hefur haldið því fram að stuðningsmaður Wigan hafi hrækt á hann og hrópað að honum ókvæðisorð. Agüero verður ekki sérstaklega refsað, en bæði félögin eiga yfir höfði sér refsingu fyrir að hafa ekki náð að stjórna leikmönnum sínum.

• Blogga um frétt