Enska knattspyrnufélagið Arsenal hefur verið sektað um 20.000 pund vegna mótmæla leikmanna við vítaspyrnudómi í leik við Leicester í ensku úrvalsdeildinni 9. maí síðastliðinn.
Leikmenn umkringdu Graham Scott, dómara leiksins, í kjölfar dómsins í næstsíðasta leik Arsene Wenger sem knattspyrnustjóra.
Jamie Vardy skoraði úr spyrnunni og kom Leicester í 2:1, en leikurinn endaði með 3:1-sigri Leicester.