Sunderland réð í dag eftirmann Chris Coleman í knattspyrnustjórastól félagsins. Skotinn Jack Ross var fyrir valinu, en hann kemur til félagsins frá St Mirren í heimalandinu.
Ross var valinn þjálfari ársins í skosku B-deildinni á leiktíðinni er hann kom St Mirren upp í deild þerra bestu. Ross var talinn líklegur til að taka við stjórninni hjá Ipswich Town, en Sunderland varð fyrra til.
Jack Ross fær það verðuga verkefni að koma Sunderland aftur í deild þeirra bestu, en liðið mun leika í C-deildinni á næstu leiktið, eftir tvö föll í röð.