Hefur ekki í hyggju að selja Chelsea

Roman Abramovich, eigandi Chelsea, ætlar ekki að selja félagið og hefur hann hafnað kauptilboði frá breskum kaupsýslumanni.

Áformum Abramovich og Chelsea um uppbyggingu nýs leikvangs í Lundúnum hefur verið slegið á frest þar sem félagið telur slíkt verkefni ekki skynsama fjárfestingu á þessum tíma, en Félagið hafði fengið heimild til að reisa nýjan 60 þúsund manna leikvang.

Í kjölfar þess var talið að breskur kaupsýslumaður að nafni Jim Ratcliffe hafi gert tilboð í félagið en því var snarlega hafnað.

Abramovich var ekki á Wembley er Chelsea vann enska bikarinn í síðasta mánuði þar sem hann hefur ekki landvistarleyfi. Rússinn fékk ísraelskan ríkisborgararétt á dögunum og getur því aðeins heimsótt Bretland í sex mánuði á ári.

• Blogga um frétt