Nabil Fekir ekki á leiðinni til Liverpool

Nabil Fekir virðist ekki vera á leiðinni til Liverpool.
Nabil Fekir virðist ekki vera á leiðinni til Liverpool. AFP

Knattspyrnumaðurinn Nabil Fekir er ekki á leiðinni til Liverpool en félag hans í Frakklandi, Lyon, hefur staðfest þetta.

Fekir, 24 ára, var talinn vera á leiðinni til Liverpool í læknisskoðun á dögunum áður en félagsskipti hans milli liðanna myndu ganga í gegn og var kaupverðið talið nema um 60 milljónum evra.

Nú hefur forseti Lyon, Jean-Michel Aulas, sagt að samningsviðræður félaganna strönduðu og fullyrðir hann að Fekir verði í Frakklandi á næsta tímabili.

„Lyon vill koma því á framfæri að samræður við Liverpool um félagsskipti Nabil Fekir gengu ekki upp og hefur félagið komist að þeirri niðurstöðu að hætta í samningsviðræðum,“ segir í yfirlýsingu frá félaginu.

mbl.is
Fleira áhugavert
Fleira áhugavert