Bernd Leno til Arsenal

Bernd Leno er ganga til liðs við enska knattspyrnufélagið Arsenal en þetta staðfesti Bayer Leverkusen, fyrrverandi félag hans, á heimasíðu sinni í kvöld. Arsenal borgar í kringum 20 milljónir punda fyrir þennan 26 ára gamla markmann.

Félagaskiptin hafa lengið í loftinu í allt sumar en Leno hefur spilað með Bayer Leverkusen frá árinu 2011. Hann á að baki rúmlega 230 leiki fyrir þýska félagið í öllum keppnum. Unai Emery tók við stjórnartaumunum hjá félaginu fyrr í þessum mánuði af Arséne Wenger og ætlar sér stóra hluti með liðið á næstu leiktíð. Leno er annar leikmaðurinn sem Emery fær til félagsins.

• Blogga um frétt