Pólski knattspyrnumarkvörðurinn Lukasz Fabianski er genginn til liðs við West Ham frá Swansea. West Ham hefur verið í leit að markmanni síðan lánssamningur Joe Hart rann út í lok tímabilsins.
Fabianski, sem er 33 ára gamall, hefur viljað losna frá Swansea eftir að liðið féll úr ensku úrvalsdeildinni. Fyrr í vikunni gerði West Ham tilboð sem var hafnað en nú virðast liðin hafa náð saman um kaupverð.
Fabianski er sem stendur í Rússlandi með pólska landsliðinu en tók ekki þátt í 2:1 tapi liðsins gegn Senegal í gær.