Liverpool hefur hafið viðræður við Stoke City um kaup á svissneska landsliðsmanninum Xherdan Shaqiri.
Stoke City féll úr ensku úrvalsdeildinni í vor og í kjölfarið sagðist Shaqiri vilja yfirgefi félagið en hann kom til þess frá Inter Milan árið 2015 þar sem hann var í láni frá Bayern München.
Breska blaðið Telegraph greinir frá því að samningaviðræður á milli Liverpool og Stoke um félagaskiptin séu hafnar en verðmiðinn á svissneska miðjumanninum er í kringum 13 milljónir punda.
Verði af kaupunum mun Shaqiri verða þriðji leikmaðurinn sem Liverpool fær til sín í sumar en hinir tveir eru Naby Keita og Fabinho.