Börsungar með annað tilboð í Willian

Willian yfirgefur hótelið í Kazan eftir að Brasilíumenn féllu úr ...
Willian yfirgefur hótelið í Kazan eftir að Brasilíumenn féllu úr leik á HM. AFP

Barcelona hefur gert Chelsea annað tilboð í brasilíska landsliðsmanninn Willian að því heimildir Sky Sports herma.

Chelsea hafnaði 50 milljón punda tilboði í Willian í síðustu viku en að því er heimildir Sky Sports herma hljóðar tilboð Börsunga nú 53 milljónum punda en sú upphæð jafngildir um 7,5 milljörðum íslenskra króna.

Manchester United er einnig á höttunum eftir Brasilíumanninum, sem er 30 ára gamall og hefur spilað með Chelsea frá árinu 2013.

mbl.is