Zola aðstoðar Sarri hjá Chelsea

Maurizio Sarri
Maurizio Sarri AFP

Maurizio Sarri verður arftaki Antonio Conte sem knattspyrnustjóri enska úrvalsdeildarliðsins Chelsea. Conte var rekinn sem stjóri fyrr í dag og mun landi hans Sarri taka við, en hann hefur gert góða hluti með Napoli á síðustu árum.

Gianfranco Zola verður aðstoðarmaður Sarri. Zola er í miklu uppáhaldi hjá stuðningsmönnum Chelsea. Hann lék með liðinu frá 1996 til 2003 og spilaði 229 leiki í ensku úrvalsdeildinni og skoraði í þeim 59 mörk. 

Zola var síðast knattspyrnustjóri Birmingham City í ensku B-deildinni, en hann stýrði Watford um tíma. Sky á Ítalíu greindi frá. 

mbl.is