United og Ajax komust að samkomulagi um Blind

Manchester United hefur samþykkt að selja Daley Blind aftur til Ajax en kaupverðið er talið vera um 14 milljónir punda. United staðfesti þetta á Twitter-síðu sinni fyrir skömmu en frekari upplýsingar um félagsskiptin eru væntanleg.

Það var Lou­is van Gaal, fyrr­ver­andi knatt­spyrn­u­stjóri Manchester United, sem keypti leik­mann­inn til fé­lags­ins árið 2014, frá Ajax, á tæp­lega 14 millj­ón­ir punda. Þessi fjöl­hæfi leikmaður vann bæði bik­ar­keppn­ina og Evr­ópu­deild­ina með United árið 2016.

Blind spilaði rúm­lega 90 leiki fyr­ir United á ár­un­um 2014 til 2018 þar sem hann skoraði fjög­ur mörk. Þá á hann að baki 54 lands­leiki fyr­ir Hol­land þar sem hann hef­ur skorað 2 mörk.

• Blogga um frétt