Arséne Wenger hefur viðurkennt að 22 ára dvöl hans hjá Arsenal hafi mögulega verið stærstu mistök ferilsins.
Wenger tók við Arsenal í ensku úrvalsdeildinni árið 1996 og hætti störfum í maí á þessu ári eftir að hafa orðið enskur meistari í þrígang og enskur bikarmeistari sjö sinnum.
Frakkinn átti eitt ár eftir af samningi sínum við félagið en lét gott heita eftir að hafa mistekist að koma liðinu í Meistaradeildina annað árið í röð. Hann hefur nú viðurkennt að hann horfi til baka á tíma sinn í Lundúnum með smá eftirsjá.
„Kannski það að hafa verið hjá sama félaginu í 22 ár,“ sagði Wenger, aðspurður hver stærstu mistök ferilsins hafi verið í viðtali við franska fjölmiðilinn RTL. „Ég er maður sem vill færa sig um set en líka einhver sem vill áskorun. Ég hef verið fangi eigin áskorana á köflum.“
Wenger talaði einnig um framtíðina og gaf það í skyn að hann væri ekki á höttunum eftir landsliðsstarfi.
„Ég hef velt því fyrir mér, hvort ég ætti að taka við landsliði en þá tek ég bara þátt í tíu leikjum á ári. Hjá félagsliði eru þeir 60, mitt fíkniefni er næsti leikur þannig að...“