Gylfi Þór Sigurðsson er í byrjunarliði Everton sem mætir nýliðum Wolves á útivelli í fyrsta leik sínum í ensku úrvalsdeildinni í fótbolta á tímabilinu. Gylfi byrjar framarlega á miðjunni.
Richarlison er eini nýi leikmaður Everton sem er í byrjunarliðinu og verður hann væntanlega vinstra megin á miðjunni, Theo Walcott hægra megin og Cenk Tosun sem framherji. Lucas Digne, franskur bakvörður sem kom til Everton í sumar, byrjar á varamannabekknum.