Mikil pressa hefur verið á Jose Mourinho, knattspyrnustjóra Manchester United, síðustu vikur eftir erfiða byrjun á tímabilinu. United vann Leicester í 1. umferð ensku úrvalsdeildarinnar en tapaði svo fyrir Brighton og Tottenham.
United vann hins vegar 2:0-útisigur á Burnley á sunnudaginn var til að minnka pressuna örlítið á Portúgalanum skrautlega. Hann hefur sjálfur engar áhyggjur af framtíð sinni hjá United.
„Einhverjir segja að starf mitt sé í hættu, en ég held ekki,“ sagði Mourinho í samtali við Gazzetta dello Sport. „Ef ég yrði rekinn, vitið þið hvað þeir þyrftu að borga mér mikið?“ spurði Mourinho kíminn.