Liverpool og City með afgerandi sigra

Liverpool skellti sér í toppsæti ensku úrvalsdeildarinnar með 3:0-heimasigri á Southampton í ensku úrvalsdeildinni í dag. Þá unnu Englandsmeistarar Manchester City stórsigur á Cardiff, 5:0, en Manchester United mátti sætta sig við jafntefli á heimavelli, 1:1-gegn Wolves.

Liverpool var alltaf með yfirhöndina á Anfield og var staðan orðin 1:0-strax á 10. mínútu þegar Wesley Hoedt skoraði sjálfsmark. Joel Matip tvöfaldaði forystuna áður en Mohamed Salah skoraði þriðja og síðasta mark leiksins rétt fyrir hálfleik.

Aron Einar Gunnarsson er enn meiddur í liði Cardiff sem fékk skell gegn Englandsmeisturunum, 5:0. Sergio Aguero fagnaði nýjum samning við Manchester City með því að koma liðinu yfir á 32. mínútu áður en Bernardo Silva jafnaði metin skömmu síðar. Ilkay Gundogan skoraði svo þriðja markið rétt fyrir hálfleik. Eftir hlé kom Riyad Mahrez inn á fyrir City og skoraði hann síðustu tvö mörk leiksins til að innsigla stórsigur.

Jóhann Berg Guðmundsson lagði upp mark fyrir Burnley í 4:0-stórsigri á Bournemouth. Matej Vydra kom heimamönnum yfir áður en Jóhann Berg lagði upp annað markið á Aaron Lennon. Ashley Barnes bætti svo við tveimur mörkum á lokamínútunum til að tryggja stórsigurinn sem var jafnframt fyrsti sigur Burnley á tímabilinu.

Þá tókst Manchester United ekki að leggja Wolves að velli á Old Trafford en lokatölur urðu 1:1. Brasilíumaðurinn Fred opnaði markareikning sinn fyrir United með laglegu marki í fyrri hálfleik áður en Joao Moutinho jafnaði metin snemma í síðari hálfleik. Þetta er annar heimaleikur United í röð sem liðinu tekst ekki að vinna.

Úrslit dagsins
Burnley - Bour­nemouth 4:0
Car­diff - Manchester City 0:5
Crystal Palace - Newcastle 0:0
Leicester - Hudders­field 3:1
Li­verpool - Sout­hampt­on 3:0
Manchester United - Wol­ves 1:1

Man. Utd	1:1	Wolves	Opna lýsingu Loka
90. mín. Leik lokið Jafnt á Old Trafford.
Augnablik — sæki gögn...

• Blogga um frétt