Fólki leiðist ekki að sjá mark Gylfa Þórs Sigurðssonar gegn Leicester City í ensku úrvalsdeildinni sem hann skoraði á laugardaginn.
Markið sem reyndist vera sigurmark leiksins er af mörgum talið vera það besta sem hefur verið skorað í deildinni á leiktíðinni.
Á Youtube-rás Everton má sjá mark Gylfa frá öllum sjónarhornum og óhætt er að segja þetta mark sé stórkostlegt í alla staði en sjón er sögu ríkari.