Manchester United og Chelsea skildu jöfn í ensku úrvalsdeildinni í fótbolta í dag eftir hádramatískar lokamínútur. Ross Barkley skoraði jöfnunarmark Chelsea á sjöttu mínútu í uppbótartíma.
Chelsea byrjaði betur og Antonio Rüdiger skoraði einfalt mark eftir hornspyrnu Willan á 21. mínútu og reyndist það eina mark fyrri hálfleiks. Eftir tíu mínútna leik jafnaði Anthony Martial metin með skoti af stuttu færi.
Á 73. mínútu var Martial aftur á ferðinni er hann kláraði afar vel í bláhornið og kom hann United yfir. Allt benti til þess að Jose Mourinho væri að ná í þrjú stig á gamla heimavöllinn, þegar Ross Barkley skoraði á sjöttu mínútu uppbótartímans og þar við sat.
Chelsea fór upp í toppsætið með stiginu, en Manchester City og Liverpool geta komist í toppsætið síðar í dag. Manchester United er enn í áttunda sæti.
Chelsea | 2:2 | Man. Utd | Opna lýsingu Loka | |
---|---|---|---|---|
90. mín. Sex mínútur í uppbótartíma. | ||||
Augnablik — sæki gögn... |