Fjórum leikjum var að ljúka í ensku úrvalsdeildinni í knattspyrnu. Jóhann Berg Guðmundsson og lið Burnley gerðu þá markalaust jafntefli við Leicester og er án sigurs í síðustu fimm leikjum.
Jóhann Berg fór af velli á 65. mínútu hjá Burnley, sem er í 15. sæti deildarinnar með níu stig að loknum 12 leikjum. Leicester er í 10. sætinu með 17 stig.
Newcastle vann sinn annan leik í röð eftir að hafa ekki unnið í fyrstu tíu umferðunum þegar liðið heimsótti Bournemouth. Salomon Rondon skoraði bæði mörk Newcastle, hans fyrstu fyrir félagið, og er liðið nú komið upp í 14. sæti með jafnmörg stig og Burnley.
Huddersfield náði í stig í botnbaráttunni með 1:1 jafntefli gegn West Ham og þá gerðu Southampton og Watford einnig 1:1 jafntefli.
Leicester – Burnley 0:0
Huddersfield – West Ham 1:1
Pritchard 6. - Anderson 74.
Newcastle – Bournemouth 2:1
Rondon 7., 40. - Lerma 45.
Southampton – Watford 1:1
Gabbiadini 20. - Holebas 82.