Mata að taka óvænt skref á Englandi?
Setja bókamerki
Spænski knattspyrnumaðurinn Juan Mata, leikmaður Manchester United, gæti tekið óvænt skref á ferlinum næsta sumar þegar samningur hans á Old Trafford rennur út.
Breska útvarpsstöðin talkSPORT greinir frá því í dag að Mata muni ekki endurnýja samning sinn við United heldur ganga í raðir Arsenal á frjálsri sölu. Það sem er sagt ýta undir þær sögusagnir er sú staðreynd að Unai Emery, núverandi stjóri Arsenal, stýrði Valencia á Spáni þegar Mata var á mála þar. Þeir gætu því endurnýjað kynni sín í Lundúnum.
Mata yfirgaf Valencia árið 2011 og gekk í raðir Chelsea. Mata fór þaðan til United árið 2014 en það var David Moyes, fyrrverandi stjóri United, sem keypti hann á sínum tíma. José Mourinho, núverandi stjóri United, var þá stjóri Chelsea. Mata hefur ekki átt fast sæti í liði Manchester United síðan José Mourinho tók við stjórnartaumunum hjá félaginu árið 2016.
Mata verður 31 árs í apríl næstkomandi, en hann hefur aðeins byrjað fimm leiki í ensku úrvalsdeildinni á þessari leiktíð. Hann á að baki 41 landsleik fyrir Spánverja.
/frimg/1/48/74/1487454.jpg)
Heldur inn í nóttina tuttugu kílóum léttari
„Umsátursástand“
Vélsleðaslys: Þyrlan kölluð út á mesta forgangi
Krefjast stöðvunar framkvæmda
„Hvílir mikil leynd yfir þessu öllu“
Shakespeare fannst í skókassa
Banna mengandi búnað sem leyfður er á Íslandi