Enska knattspyrnusambandið hefur aðvarað Pep Guardiola knattspyrnustjóra Manchester City vegna ummæla fyrir leikinn á móti Manchester United í ensku úrvalsdeildinni.
Stjórum í úrvalsdeildinni er ekki heimilt að tjá sig um dómara fyrir leiki, en Guardiola gerði það fyrir grannaslaginn. Hann ræddi þá um Anthony Taylor og gaf í skyn að hann væri hliðhollur United.
„Hann mun reyna að gera sitt besta. Vonandi mun hann taka skynsamar ákvarðarnir fyrir bæði lið og gera úr því góðan leik,“ sagði Guardiola þegar hann svaraði spurningu blaðamanns um Taylor dómara.
Enska knattspyrnusambandið ákvað að kæra Guardiola ekki þar sem þetta var hans fyrsta brot sem og eðli ummæla hans.