James Milner, harðjaxlinn í liði Liverpool, spilar tímamótaleik á laugardaginn þegar Liverpool sækir spútniklið Bournemouth heim í ensku úrvalsdeildinni í knattspyrnu.
Milner spilar þá sinn 500. leik í ensku úrvalsdeildinni en hann spilaði sinn fyrsta leik í deildinni aðeins 16 ára gamall með liði Leeds United árið 2002 og varð um leið annar yngsti leikmaðurinn til að spila í deild þeirra bestu á Englandi. Hann er yngsti leikmaðurinn til skora í ensku úrvalsdeildinni þegar hann skoraði fyrir Leeds gegn Sunderland.
Milner verður 13. leikmaðurinn til ná 500 leikja markinu en Gareth Barry hefur spilað flesta leiki í ensku úrvalsdeildinni eða 653 talsins.
Milner, sem er 32 ára gamall og margir vilja meina að sé einn mikilvægsti leikmaður liðsins, skoraði fyrra mark Liverpool í 3:1 sigri liðsins gegn Burnley á Turf Moor í gærkvöld og það veit á gott þegar hann skorar því leikirnir eru orðnir 50 í röð sem Milner hefur ekki tapað þegar hann hefur skorað. Það er met í ensku úrvalsdeildinni.
Leikjahæstu leikmenn ensku úrvalsdeildarinnar:
Gareth Barry | 653 |
Ryan Giggs | 632 |
Frank Lampard | 609 |
David James | 572 |
Gary Speed | 535 |
Emile Heskey | 516 |
Mark Schwarzer | 514 |
Jamie Carragher | 508 |
Phil Neville | 505 |
Steven Gerrard | 504 |
Rio Ferdinand | 504 |
Sol Campbell | 503 |
James Milner | 499 |