Chelsea varð rétt í þessu fyrsta liðið til að leggja meistara Manchester City af velli í ensku úrvalsdeildinni í fótbolta er liðin mættust á Stamford Bridge. Lokatölur urðu 2:0, Chelsea í vil, og er Liverpool því í toppsætinu.
Manchester City var líklegra til að skora framan af í frekar rólegum fyrri hálfleik, en illa gekk að skapa færi, þrátt fyrir að liðið var mikið með boltann. Chelsea nýtti sér það og N'Golo Kanté skoraði með fyrsta skoti heimamanna í leiknum á síðustu mínútu fyrri hálfleiks.
David Luiz bætti svo við öðru marki Chelsea með skalla eftir hornspyrnu á 78. mínútu og þar við sat. Tapið þýðir að Manchester City er í öðru sæti deildarinnar, stigi á eftir Liverpool. Chelsea er í þriðja sæti með 34 stig, eins og Arsenal.
Chelsea | 2:0 | Man. City | Opna lýsingu Loka | |
---|---|---|---|---|
90. mín. Olivier Giroud (Chelsea) kemur inn á | ||||
Augnablik — sæki gögn... |