Arsenal vann verðskuldaðan 2:0-heimasigur á Chelsea í lokaleik dagsins í ensku úrvalsdeildinni í fótbolta í kvöld. Arsenal var nær því að bæta við mörkum en Chelsea að minnka muninn.
Arsenal byrjaði af miklum krafti og var það algjörlega verðskuldað þegar Alexandre Lacazette skoraði fyrsta mark leiksins á 14. mínútu með fallegu skoti úr þröngu færi. Arsenal hélt áfram að sækja og Laurent Koscielny skoraði með skalla, sex mínútum fyrir leikslok.
Chelsea var nokkuð mikið með boltann í síðari hálfleik, en illa gekk að reyna á Bernd Leno í marki Arsenal. Arsenal fékk svo nokkur færi, sem ekki tókst að nýta og varð 2:0 því niðurstaðan.
Með sigrinum fór Arsenal upp í 44 stig og er Chelsea nú aðeins þremur stigum á undan í fjórða sætinu.
Arsenal | 2:0 | Chelsea | Opna lýsingu Loka | |
---|---|---|---|---|
90. mín. Ross Barkley (Chelsea) fær gult spjald Allt, allt of seinn í Guendouzi. | ||||
Augnablik — sæki gögn... |