Higuaín orðinn leikmaður Chelsea

Argentínski sóknarmaðurinn Gonzalo Higuaín er kominn til liðs við Chelsea að láni frá ítalska meistaraliðinu Juventus og gildir samningurinn út leiktíðina.

Higuaín gekk frá samningi við Lundúnaliðið í kvöld eftir að hafa gengist undir læknisskoðun en hann hefur leikið sem lánsmaður með AC Milan á leiktíðinni.

Hann er 31 árs gam­all og hef­ur leikið með Real Madrid, Ju­vent­us og Na­poli, en hjá síðastnefnda liðinu spilaði hann einmitt undir stjórn Maurizio Sarri sem nú stýrir Chelsea. Hann á að baki 75 leiki með arg­entínska landsliðinu og hef­ur í þeim skorað 31 mark.

• Blogga um frétt