Er Birkir á förum frá Villa?

Birkir Bjarnason og Jón Daði Böðvarsson. Verða þeir samherjar með …
Birkir Bjarnason og Jón Daði Böðvarsson. Verða þeir samherjar með Reading? Ljósmynd/Aston Villa

Landsliðsmaðurinn Birkir Bjarnason gæti verið á förum frá enska B-deildarliðinu Aston Villa áður en félagaskiptaglugganum verður lokað um mánaðamótin.

Að því er fram kemur í enska blaðinu Expressandstar gætu Birkir og Scott Hogan báðir verið á förum frá Aston Villa en hvorugur var í leikmannahópi liðsins í sigurleiknum gegn Ipswich á laugardaginn.

Samkvæmt heimildum mbl.is er B-deildarliðið Reading, sem landsliðsmaðurinn Jón Daði Böðvarsson leikur með, eitt þeirra liða sem hafa áhuga á að fá Birki til liðs við sig.

Birkir hefur komið við sögu í 15 af 29 leikjum Aston Villa í deildinni á tímabilinu og hefur í þeim skorað tvö mörk.

mbl.is
Fleira áhugavert
Fleira áhugavert