Sóknarmaðurinn Wilfried Bony er orðinn leikmaður Al-Arabi í Katar og mun þar leika undir stjórn Heimis Hallgrímssonar.
Bony fer til Al-Arabi að láni frá enska B-deildarliðinu Swansea en Fílabeinsstrendingurinn hefur skorað eitt mark í sjö leikjum með velska liðinu á leiktíðinni.
Bony, sem er 30 ára gamall, átti góðu gengi að fagna með Swansea frá 2013-15 þar sem hann lék um tíma með Gylfa Þór Sigurðssyni. Hann var seldur til Manchester City í janúar 2015 en fékk fá tækifæri og var lánaður til Stoke áður en hann gekk aftur í raðir Swansea fyrir tveimur árum.
#العربي يتعاقد مع بوني
— Al-Arabi Sports Club (@alarabi_club) January 31, 2019
التفاصيل:👇🏻https://t.co/UmGRJuurEQ pic.twitter.com/9pEbSYf4iQ