Ferguson snýr aftur á hliðarlínuna
Setja bókamerki
Sir Alex Ferguson, fyrrverandi knattspyrnustjóri Manchester United, mun stýra liðinu á nýjan leik í góðgerðarleik á Old Trafford 26. maí næstkomandi en það er BBC sem greinir frá þessu. United og Bayern München mætast í tuttugu ára afmælisleik en tuttugu ár eru frá úrslitaleik liðanna í Meistaradeildinni á Nývangi árið 1999 þar sem United fagnaði 2:1-sigri eftir ótrúlegar lokamínútur.
Leikmenn sem tóku þátt í leiknum á Spáni fyrir tuttugu árum munu spila í leiknum og verður Ole Gunnar Solskjær, núverandi knattspyrnustjóri United, því í leikmannahópnum en hann skoraði sigurmark United gegn Bayern árið 1999 og tryggði liðinu Evróputitilinn. Ferguson hætti þjálfun árið 2013 en hann er orðinn 77 ára gamall.
Ferguson er sigursælasti þjálfari enskrar knattspyrnu en hann vann alls 38 titla á 26 ára ferli sínum sem knattspyrnustjóri. Allur ágóði af leiknum mun renna til Manchester United-samtakanna sem sérhæfa sig í góðgerðarstarfsemi í Manchester-borg.
„Hvílir mikil leynd yfir þessu öllu“
Vona að Orkustofnun veiti ekki virkjunarleyfi
Vélsleðaslys: Þyrlan kölluð út á mesta forgangi
Tóku upp hanskann fyrir leikskólabörn
Tveir í bílnum sem lenti utan vegar
Skiptir miklu meira máli en fólk grunar