United sló meistarana úr leik
Setja bókamerki
Paul Pogba átti frábæran leik fyrir Manchester United þegar liðið lagði ríkjandi bikarmeistara í Chelsea í sextán liða úrslitum ensku bikarkeppninnar í knattspyrnu á Stamford Bridge í kvöld en leiknum lauk með 2:0-sigri Manchester United.
Chelsea-menn byrjuðu leikinn betur en það var Ander Herrera sem kom United yfir með skalla úr teignum á 31. mínútu eftir frábæra fyrirgjöf Paul Pogba. Títtnefndur Pogba tvöfaldaði forystu United á 45. mínútu eftir fyrirgjöf Marcus Rashford og staðan því 2:0 í hálfleik.
Chelsea byrjaði seinni hálfleikinn af miklum krafti, án þess þó að ná að skapa sér afgerandi marktækifæri, og leikmenn United vörðu forystu sína vel. Leikmenn Chelsea voru mun meira með boltann í seinni hálfleik en tókst aldrei að opna vörn United af einhverju viti og niðurstaðan því 2:0-sigur United.
Ríkjandi bikarmeistarar í Chelsea eru því úr leik en United er komið áfram í átta liða úrslit ensku bikarkeppninnar líkt og Manchester City, Watford, Brighton, Millwall, Manchester City, Wolves, Crystal Palace og Swansea.
| Chelsea | 0:2 | Man. Utd |
|
|---|---|---|---|
| Chelsea á skot framhjá Alonso reynir bakfallsspyrnu, liggjandi í teignum, en hann hittir ekki boltann. | |||
Skiptir miklu meira máli en fólk grunar
„Það þarf að vinna mikinn fjölda upp“
Tveir í bílnum sem lenti utan vegar
Sex hafa greinst með listeríu
Handteknir eftir myndatöku í Vesturbæjarlaug
„Hvílir mikil leynd yfir þessu öllu“