Manchester United hefur blandað sér í baráttuna um að fá ungstirnið Callum Hudson-Odoi frá Chelsea til liðs við.
Enskir fjölmiðlar greina frá þessu en Odoi, sem lék sinn fyrsta leik með enska landsliðinu í 5:0 sigri þess gegn Tékkum á föstudagskvöldið, er afar eftirsóttur.
Liverpool, Borussia Dortmund og Bayern München eru öll sögð vilja fá leikmanninn í sínar raðir og nú hefur United blandað sér í baráttuna.
Odoi, sem er 18 ára gamall, er samningsbundinn Chelsea til ársins 2020 en hann hefur ekki viljað framlengja samning sinn við Lundúnaliðið.