Það stefnir í rosalegan slag Liverpool og Manchester City um Englandsmeistaratitilinn í knattspyrnu en bæði liðin stóðust pressuna í gær og lönduðu sigri.
Liverpool vann góðan sigur á Chelsea 2:0 á Anfield og Manchester City hrósaði 3:1 útisigri gegn Crystal Palace. Liverpool er með 85 stig í efsta sæti og á fjóra leiki eftir en Manchester City fylgir fast á eftir með 82 stig og á fimm leiki eftir.
Þegar litið er á leikina sem liðin eiga eftir á Liverpool „léttara prógramm“ heldur en City sem á eftir að spila við Tottenham og Manchester United en Liverpool á eftir að spila við þrjú af liðum sem eru í neðri helmingi deildarinnar.
Leikirnir sem liðin eiga eftir eru:
Cardiff (ú)
Huddersfield (h)
Newcastle (h)
Wolves (ú)
Tottenham (h)
Manchester United (ú)
Burnley (ú)
Leicester (h)
Brighton (ú)